..::249::..

biletler 5azn

ADMIN-3 — Fri, 25 Mar 2011 13:56:14 GMT

7 May.Saat 14:00-da.Elite T/M-de HiPoSeNTR qrupunun "ILK ADDIM" Adli Solo konserti kecirilecek.Konsertde xususi qonaqlar STOP, YuXu, Ve ST Konsert sirf RAP KONSERT xarakteri dasimir.Ilk Albom pulsuz paylanacaqdir. Bilet Elde Etmek isteyenler Elaqe Saxliya Biler.. 051-885-86-03

Romeo və Culyettanın sevgi Şeherinin sekilleri ve haqqinda

ADMIN — Wed, 16 Mar 2011 04:26:48 GMT

ore...

"Yer üzündə Romeo və Culyettanın hekayəsindən kədərli hekayə yoxdur…". Bu sözlər həm müəllifi Vilyam Şekspirə, həm də kiçik italyan şəhəri Veronaya dünya şöhrəti gətirdi. "Aysel" jurnalının verdiyi məlumata görə, ildə iki dəfə Verona dünyanın hər bir yerindən gələn sevgililərlə dolur: biri sentyabrın 16-sı - Culyettanın ad günündə, biri də fevralın 14-ü - Sevgililər günündə. Bu şəhər qonaqları qarşılamağa həmişə şaddır və onlar üçün maraqlı tədbirlər proqramı hazırlamağı da unutmur. Ən populyarı isə əlbəttə ki, "Romeo və Culyetta" tamaşasıdır. Tamaşaçılar aktyorların misilsiz oyununa baxmaqla yanaşı, pyes qəhrəmanlarının evini gəzə, hətta Culyettanın məqbərəsini ziyarət edə bilərlər. Minlərlə turist üçün Şekspirin əsərindəki hadisələrin real olmaması faktı önəmli deyil, onlar üçün əbədi məhəbbət ideyası vacibdir.

Şopinq:
Verona - İtaliyanın əsasən dəri məmulatları və ayaqqabı istehsalçılarındandır. Bu tip məhsulları həm mərkəzdəki mağazalardan, həm də fabriklərdəki satış şöbələrindən əldə edə bilərsiniz. Veronada yerli və xarici malların satıldığı butik və mağazaların sayı çoxdur. Şopinqin ən populyar məkanı Corso Santa Anastasia adlı qədim küçədir. Bu küçədə olan butiklərdə aparıcı italyan dizaynerlərinin ən son kolleksiyalarından yeni modelləri əldə etmək mümkündür. Via Mazzi adlı başqa küçədə də İtaliyanın ən populyar markaları satılır. Burada şopinq etməklə bərabər maraqlı gəzinti də həyata keçirə bilərsiniz. Veronada eleqant klassik geyimləri Corso Porta Borsari küçəsində, suvenirləri isə Culyettanın Evinin yanından əldə etmək olar. Əgər əntiq əşyalar, incəsənət əsərləri və yerli ustaların əl işlərilə maraqlanırsınızsa, San-Zeno meydanına yollanmalısınız. Yadda saxlayın ki, mağazalar saat 12:30-dan 15:30-dək fasilə edir. Həmçinin İtaliyadan "Culyettanın öpüşü" və ya "Romeonun nəfəsi" adlı pirojna gətirmək məsləhətdir.

Mətbəxi:
Verona mətbəxi dəniz məhsullarından hazırlananş xörəklərlə və desertlərlə məşhurdur. Verona təamları ilə bütün dünyada məşhurdur. Burada olarkən nyukki - müxtəlif souslarla süfrəyə verilən kartof, ənənəvi birinci yemək sayılan rizotto, müxtəlif souslu qarğıdalı yarması polento, parmezan pendiri, çörək, bulyon və bel sümüyündən hazırlanan assorti, amarone - çaxırda bişirilmiş mal əti, spagetti, sarımsaq və toyuğun döş əti ilə bərabər bişirilmiş balığın dadına baxmağı unutmayın. Veronaya baş çəksəniz şirniyyatları yemədən buranı tərk etməyin. Ən məşhur desertlər - croccante adlı badamlı peçenye, yeni il kökəsi Pandoro, pasxa keksi Colomba və Sbrisolona tortudur.

Görməli yerləri:
Verona İtaliyanın məşhur şəhərlərindəndir. Ən başlıcası isə bura ölməz sevgililər Romeo və Culyettanın şəhəridir. Onları XIII əsrə aid Culyetta Kapulettinin Evi və XII əsrə aid Romeo Montekinin Evi xatırladır. Hər il buraya Culyettaya məktub yazmaq, evinin divarına ürək rəsmi çəkmək və sevgililərin son məkanını ziyarət etmək üçün milyonlarla turist gəlir. Culyettanın Evi bazart ertəsindən başqa, hər gün saat 7:30-dan 18:45-dək açıq olur. Evdə hər şey o dövrün ab-havasına uyğun dizayn olunub. Evin yalnız bir, amma çox məşhur olan eyvanı var. Həyətdə isə Culyettanın bürüncdən fiquru qoyulub. Romeonun Evinə isə yalnız xaricdən baxmaq mümkündür. Veronaya səyahətinizi San Françesko monastırına baş çəkmədən tam hesab etmək olmaz. Bura iki sevgilinin gizli nikaha girdiyi yer və sonunda dəfn edildiyi məkandır. Monastırın həyətində böyük yazıçı Şekspirin büstü qoyulub.

Orhan Ölmez - Orhan Ölmez | 2011 | Full Albom

ADMIN — Wed, 16 Mar 2011 04:12:18 GMT

01. Bilmece

02. Kül

03. Senden Vazgeçtim

04. Nezaket

05. Sen Yoksan Hikayemde Yok

06. Derviş

07. Sen Gidince

08. Hesapsız Değil Bu Çile

09. Hayırlısı Olsun

10. Kalbim Ellerinde

11. Derviş (PB)

Orhan Ölmez - Orhan Ölmez | 2011 | Full Albom

YAPONİYADA DƏHŞƏTLİ ZƏLZƏLƏ

Jan_Di — Fri, 11 Mar 2011 17:39:56 GMT

11.03.2011 12:48

Yaponiyada güclü zəlzələ baş verib. "CNN Türk”-ün məlumatına görə, güclü yeraltı təkanlar Tokioda hiss edilib. Beynəlxalq informasiya agentliklərinin məlumatına görə, artıq zəlzələnin baş verdiyi bölgədə hündürlüyü 10 metrə çatan sunami başlayıb. Sunami onlarla avtomobili aparıb, saysız-hesabsız ev dağılıb. Yaponiya Müdafiə Nazirliyi zəlzələnin dağıtdığı rayonlara vertolyotlar göndərir. Seysmoloqlar bildirir ki, əvvəlcə yeraltı təkanın 7,4 bal gücündə olduğu bildirilsə də, onun 8,8 bal təşkil etdiyi məlum olub. Bu, Yaponiyada son 7 ildə qeydə alınan ən güclü zəlzələdir. Son məlumata görə, sunami Senday limanına çatıb. Şəhərdə çoxlu sayda insan həlak olub. Bəzi yaşayış məntəqələri yer üzündən silinib.

Məmməd Araz

ADMIN — Mon, 07 Mar 2011 16:40:05 GMT

HƏYATI

Məmməd Araz 1933-cü il oktyabr ayının 14-də Şahbuz rayonunun Nurs kəndində anadan olub. Burada orta məktəbi bitirdikdən sonra Azərbaycan Pedaqoji İnstitutunda təhsil alıb.1954-cü ildə ali təhsilini başa vuran Məmməd Araz əmək fəaliyyətinə doğma kəndindəki orta məktəbdə müəllimliklə başlayıb, sonra Bakıya köçüb Azərbaycan Nazirlər Soveti yanında Baş Mətbuat İdarəsində müvəkkil işləyib. 1959-1961-ci illərdə Moskvada Yazıçılar İttifaqı nəzdindəki Ali ədəbiyyat kurslarının müdavimi olub. Sonra «Ulduz» jurnalının məsul katibi, «Ədəbiyyat və incəsənət» qəzetində, Azərbaycan Dövlət Nəşriyyatında baş redaktorun müavini olmuşdur.

1974-cü ildən ömrünün sonuna kimi "Azərbaycan Təbiəti" jurnalının baş redaktoru olub. Uzun müddət Yazıçılar İttifaqının poeziya bölməsinə rəhbərlik edib. Xidmətlərinə görə Azərbaycan Respublikasının İstiqlal ordeni (1995), bir medalla və Azərbaycan Ali Soveti Rəyasət Heyətinin Fəxri fərmanları ilə təltif edilmişdir. Hacı Zeynalabdin Tağıyev adına milli mükafatın laureatıdır (1992). Onun adına «Məmməd Araz» mükafatı təsis olunmuşdur (1993-cü ildən).

ƏSƏRLƏRİ

Sevgi nəğməsi. Bakı: Azərnəşr, 1959, 68 səh.
Üç oğul atası. Bakı: Uşaqgəncnəşr, 1961, 63 səh.
Araz axır. Bakı: Azərnəşr, 1964, 76 səh.
Mən səni taparam. Bakı: Azərnəşr, 1963, 59 səh.
Anamdan yadigar nəğmələr. Bakı: Azərnəşr, 1966, 152 səh.
Ömür karvanı. Bakı: Azərnəşr, 1967, 136 səh.
İllərdən bəri. Bakı: Gənclik, 1969, 114 səh.
Qanadlı qayalar. Bakı: Azərnəşr, 1973, 190 səh.
Atamın kitabı. Bakı: Gənclik, 1974, 168 səh.
Həyatın və sözün rəngləri. Bakı: Gənclik, 1975, 135 səh.
Oxucuya məktub. Bakı: Gənclik, 1978, 234 səh.
Aylarım, illərim. Bakı: Yazıçı, 1979, 224 səh.
Dünya sənin, dünya mənim. Bakı: Yazıçı, 1983, 310 səh.
Seçilmiş əsərləri (bircildlik). Bakı: Azərnəşr, 1986,
Dünya düzəlmir. Bakı: «Azərbaycan» nəşriyyatı, 1992, 81 səh.
Daş harayı. Bakı: Yazıçı, 1993, 254 səh.
Qayalara yazılan səs. Bakı: Azərnəşr, 1994,
Yol ayrıcında söhbət. Bakı: «Azərbaycan» nəşriyyatı, 1997, 318 səh.
Sənətdə son mənzil olmur. Bakı: «Adiloğlu» nəşriyyatı, 2001, 440 səh.
Ağlayan qayalar. Bakı: «Araz» nəşriyyatı, 2002, 144 səh.
Vətən deyin. Bakı: «Adiloğlu» nəşriyyatı, 2003, 149 səh.
Əsgər andı. Bakı: «Araz» nəşriyyatı, 2003, 98 səh.
Seçilmiş əsərləri (dörd cilddə). I c. Bakı: «Ozan» nəşriyyatı, 2003, 337 səh.
Seçilmiş əsərləri (dörd cilddə). II c. Bakı: «Ozan nəşriyyatı, 2003, 360 səh.
Seçilmiş əsərləri (dörd cilddə), III c. Bakı: «Ozan» nəşriyyatı, 2003, 376 səh.
Seçilmiş əsərləri (dörd cilddə), IV c. Bakı: «Ozan» nəşriyyatı, 2003, 365 səh
TƏRCÜMƏLƏRİ

(ruscadan)
S.V.Mixalkov. Foma. Bakı: Azərnəşr, 1964, 16 səh.
G.Ağacanyan. Narahat ürək. Bakı: Gənclik, 1974, 83 səh.
M.Svetlov. Şeirlər. Bakı: Azərnəşr, 1975, 204 səh.
N.A.Nekrasov. Rus qadınları. Bakı: Yazıçı, 1983, 124 səh.
Ocaq başında (dünya şairlərinin şeirləri). Bakı: Yazıçı, 1988, 241 səh.
YARADICILIĞI
SÖZ AÇIQ OLANDA

Dur aç pəncərəni açıq havaya,
Qorxma görünməyə,
Görməyə qorxma.
Dur, ey yoldaş insan, dur çıx havaya;
Dur, təzə gözlə bax köhnəyə qorxma!

Nə qədər söz udaq, dil sancaqlayaq,
Göyərdi pıçıltı qapı dalında.
Bizi anlayanı biz də anlayaq,
Səsimiz qovruldu qapı dalında.

Burda iddiamız başdan yuxarı,
Qapılar dalında pələngik, şirik,
Burda başımızı yaddan çıxarıb,
Özgənin başıyla fikirləşirik.

Söz açıq olanda - göz açıq olur,
Göz açıq olanda "beş", "əlli" deyil.
Söz açıq olanda düz-düzə quldu,
Şapalaq zərbəsi,
Təsəlli deyil.

Dartmalar, didmələr, fəndlər, bölgülər
Oxunu gizlədən yay ola bilmir.
Biclik tələsindən qaçan tülkülər,
Düzlük tələsindən yayına bilmir.

Qoşa buynuzunu gizlətmə başda,
Qarnını deşəcək - içinə çəksən.
Özünə görünsən sən açıq aşkar
Elə özgəyə də görünəcəksən.

Sirr açar, dürr açar açarımız da,
Od donsa, buz yansa - inam ələnməz;
Söz açıq olanda içərimizdə
"Yalanlar, filanlar" qafiyələnməz.

Boş vədə fil olsa - dizi qatlanar,
Tarixin "düzü-düz", varağı ağdır;
Açmağa düyünlü həqiqətləri
Duyumlu barmaqlar tapılacaqdır.

Ədalət qamçısı qəzəb soyudur,
Qırımlar, qurumlar itirməz onu.
"Açıq söz" dediyin qızıl suyudur,
Pas atan ağıllar götürməz onu.

Ötəri hay-küydən qulağım batar,
Yalançı köçəri,
Yalan köçəri.
Açdım ürəyimi, açdım taybatay,
Xoş gördük doğru söz,
Buyur içərii...

DOST

Hər çətin anımda kəsin yanımı,
Axın ürəyimə gülüşlə, sözlə,
Mən oz varlığımı, öz ünvanımı
Tapıram hər yeni gəlişinizlə.

Bəzən hamarda da büdrəyir adam,
Oxuyun üzümə nə günahım var.
İttiham etsəniz günah sanaram,
Güzəştə getsəniz, ittiham olar.

Gözümdə, könlümdə bir qönçə kimi
Hərəniz bir duyğu bəxş edər mənə.
Ömrüm çox dolaşıq düyünçə kimi
Həmişə möhtacdır dost əllərinə.

MİRZE ELEKBER SABİR

ADMIN — Mon, 07 Mar 2011 16:36:03 GMT

Mirze Elekber Sabir (1862-1911)

Artıq bir esre yaxındır ki, Azerbaycan xalqının böyük şairi Mirze Elekber Sabirin (1862—1911) heyatı ıle yaradıcılığı geniş ictimaiyyetin ve tedqiqatçıların diqqet merkezindedir. Bu müddet erzinde, misilsiz istedad sahibi olan senetkarın heyat ve fealiyyetinin, yaradıcılıq irsinin öyrenilmesi ve böyük oxucu kütlesine çatdırılması sahesinde olduqca geniş miqyasılı ve sanballı işler görülmüşdür. Bura birinci növbede Mirze Elekber Sabirin eserlerinin şairin meslekdaşı ve yaxın dostu Abbas Sehhet terefinden hele 1912-ci ilde esası qoyulmuş neşriyyat işi daxildir. Şairin "Hop-hop" texellüsü ile elaqedar "Hophopname" adı altında eserlerinin defelerle çap olunması xalqımızın ve dövletimizin ona çox böyük maraq ve diqqetinin, regbet ve mehebbetinin ifadesidir. Bundan başqa, MirzE Elekber Sabirin müasirleri terefinden temel daşları qoyulmuş ve sonrakı dövrde bir çox tedqiqatçılar terefinden tedqiq ve tehlil dairesi olduqca genişlenmiş olan sabirşünaslıq emele gəlmişdir.

Kim nə deyər bizdə olan qeyrətə?!
Qeyrətimiz bəlli bütün millətə!..

Biz qoca qafqazlı qoca ərlərik
Cümlə hünərməndlərik, nərlərik,
İş görəcək yerdə söz əzbərlərik
Aşiqlik ancaq quru, boş söhbətə,
Kim nə deyər bizdə olan qeyrətə?!

Çırmanırıq keçməyə çay gəlməmiş,
Başlayırıq qızmağa yay gəlməmiş,
Söz verərik indi - bir ay gəlməmiş,
Asta qaçıb dürtülərik xəlvətə,
Kim nə deyər bizdə olan qeyrətə?!

Cümlə cahan yatsa da biz yatmarıq,
Qeyrəti-milliyəmizi atmarıq,
Əhlimizi başqalara satmarıq,
Bir quruşa, bir pula, ya bir çetə,
Kim nə deyər bizdə olan qeyrətə?!

Bizdə görünməz nə fəsadü nifaq,
İşləmədə bir-birimizdən qoçaq
Bax, budur islamı gətirrik qabaq;
Böyləcə xidmət olunur millətə,
Kim nə deyər bizdə olan qeyrətə?!

Bir işə min hümmətimiz var bizim!
Bax, necə cəmiyyətimiz var bizim!
Bundan gözəl niyyətimiz var bizim;
Ay bərəkallah bu gözəl niyyətə!
Kim nə deyər bizdə olan qeyrətə?!

Hansı məkatib ki, onu açmadıq?
Hansı sənaye ki, para saçmadıq?
Verdiyimiz sözdən uzaq qaçmadıq;
İşlərimiz mindi bütün surətə!..
Kim nə deyər bizdə olan qeyrətə?!

Bax, necə darüləcəzə, dari-elm!
Bir-neçə məktəb, neçə asari-elm!
Bizlərik, əlbətdə, xərdari-elm!
Çatmışıq ondansı belə hörmətə!...
Kim nə deyər bizdə olan qeyrətə?!

Bizdə nə fələ tapılar, nə gəda,
Bizdə nə sail və nə bir binava,
Bəxtəvər övladımıza mərhaba!
Baş aparıb hər biri bir sənətə!..
Kim nə deyər bizdə olan qeyrətə?!

Etmişik ifa atalıq mehrini,
Çəkmişik övladımızın fikrini,
Ömrümüzün olsa, görərik bəhrini,
Fəxr edərik biz də bütün millətə!
Kim nə deyər bizdə olan qeyrətə?!

Uzeyir Hacibeyov

ADMIN — Mon, 07 Mar 2011 16:34:46 GMT

Üzeyir Əbdül Hüseyn oğlu Hacıbəyov 1885-ci il sentyabrın 18-də Şuşa yaxınlığındakı Ağcabədi kəndində anadan olmuşdur.
1899-1904-cü illər – Zaqafqaziya (Qori) müəllimlər seminariyasına daxil olmuş, oranı bitirərək kənd müəllimi adını almışdır.
1905-ci il – Şuşada tərəqqipərvər «Cavanlar İttifaqı» təşkilatının üzvü. Bakı şəhərinə köçmüş. Ədəbi-publisistik fəaliyyətə başlamışdır.
1907-ci il –«Leyli və Məcnun» operası üzərində işləmiş və beləliklə, bəstəkarlıq fəaliyyətinə başlamışdır. Onun «Siyasi, hüquq, hərbi və bir çox başqa terminlərin rusca-tatarca və tatarca-rusca lüğətləri» çapdan çıxmışdır; bu lüğətlər maarifçilik sahəsində böyük rol oynamışdır.
25 yanvar, 1908-ci il– Azərbaycanda müasir professional musiqi tarixinin əsasını qoyan «Leyli və Məcnun» operasının ilk tamaşası.
1909-cu il – «Şeyx Sən’an» operasının ilk tamaşası.
1909 – 1910-cu illər – «Ər və arvad» musiqili komediyasının ilk tamaşası.
1910-cu il – «Rüstəm və Söhrab» operasının tamaşası.
1910 – 1911-ci illər –«O olmasın, bu olsun» musiqili komediyasının ilk tamaşası.
1912-ci il – «Şah Abbas və Xurşid Banu» operasının ilk tamaşası.
1912-ci il – «Əsli və Kərəm» operasının ilk tamaşası.
1912-1913-cü illər – Moskvada xüsusi musiqi kurslarında təhsil almışdır.
1913-1914-cü illər – Peterburqa getməsi və orada oxuması.
1913-cü il – «Arşın mal alan» musiqili komediysının ilk tamaşası.
1915-ci il – «Harun və Leyla» operasının librettosu nəşr edilmişdir.
1918-ci il – Azərbaycan opera artistlərinin Ənzəli və Rəşt şəhərlərinə (İran) qastrol səfərinə rəhbərlik etmişdir.
1921-ci il – Respublika Xalq Maarif Komissarlığında mə’rüzə etmiş, mə’rüzə Azərbaycan Dövlət Konservatoriyasının yaradılması üçün proqram kimi təsdiq olunmuşdur.
Azərbaycan Dövlət Konservatoriyasında musiqi-nəzəriyyə fənləri üzrə pedaqoq. Şərq musiqisi şö’bəsinin rəhbəri.
1922-ci il – Birinci Azərbaycan məktəbini (Azərbaycan türk musiqi məktəbi – ATMM) tə’sis etmişdir.
1925-ci il – Bakı Zəhmətkeş Deputatları Sovetinə deputat seçilmişdir.
1926-cı il – Azərbaycan Dövlət Konservatoriyasının prorektoru.
1928-ci il – Azərbaycan aşıqlarının Birinci qurultayında «Aşıq sənəti» mövzusunda mə’ruzə etmişdir.
1931 – Birinci «notlu» Azərbaycan xalq çalğı alətləri orkestrinin təşkilatçısı.
1932-1936-cı illər «Koroğlu» operası üzərində işləmişdir.
30 aprel 1937-ci il – «Koroğlu» operasının ilk tamaşası.
1938-ci il – Moskvada Azərbaycan incəsənəti ongünlüyünün təşkilatçılarından və iştirakçılarından biri.
1938-ci il –SSRİ-nin xalq artisti fəxri adına layiq görülmüşdür.
1939–1948 – Azərbaycan Dövlət Konservatoriyasının rektoru, Azərbaycan Bəstəkarlar İttifaqıqının sədri.
1941 – 1945-ci illər – N. Gəncəvinin «Sənsiz», «Sevgili canan» romansları, «Vətən və cəbhə» kantatası, «Uğurlu yol», «Şəfqət bacısı», Ananın oğluna öyüdü» və s. qəhrəmanlıq mahnıları, Azərbaycan xalq çalğı alətləri orkestri üçün «Cəngi» pyesi, «Babək, Firuzə» operalarının planı və s. yaranması.
1944-cü il, dekabr – Tbilisidə keçirilən Zaqafqaziya Respublikaları iştirakçıları Dekadasının rəhbərlərindən biri.
1945-ci il –Ü. Hacıbəyov tərəfindən Azərbaycanın himninin yaranması
1945-ci il – «Azərbaycan xalq musiqisinin əsasları» kitabının nəşri.
1948, 23 noyabr – Ü. Hacıbəyov vəfat etmişdir.

Aktyor elcin hemidov vefat edib

ADMIN — Sun, 06 Mar 2011 15:20:19 GMT

Tanınmış akytor, Azərbaycanın əməkdar artisti Elçin Həmidov vəfat edib.

Aktyorun vəfatı etdiyi bu gün axşam saatlarında məlum olub.
Qonşularının və tanışlarının bildirdiyinə görə, aktyoru sonuncu dəfə martın 4-də axşam saatlarında görüblər. Bu gün isə ondan xəbər çıxmayıb. E.Həmidov bu gün tamaşada iştirak etməli olsa da, işə getməyib. Bundan sonra onun evinə Fövqəladə Hallar Nazirliyinin əməkdaşları çağırılıb. FHN əməkdaşları pəncərədən mənzilə daxil olaraq, E.Həmidovun cəsədini tapıblar. İlkin versiyaya görə, o, ürək xəstəliyindən vəfat edib.

Həmidov Elçin Qəzənfər oğlu - 1958-ci ildə anadan olub. O, 1981-ci ildə İncəsənət İnstitutunun Dram-kino aktyoru fakültəsini bitirib. 1983-cü ildən Azərbaycan Dövlət Musiqili Komediya Teatrında artist-vokalist kimi fəaliyyət göstərib. Məlahətli səsə və məharətli aktyorluq bacarığına malik olan Elçin, klassik və müasir Azərbaycan bəstəkarlarının əsərlərində özünəməxsus maraqlı obrazlar yaratmağa nail olub. O, "Olmadı elə, oldu belə”də Gülüstan, "Boşanaq, evlənərik”də İkram, "Qarğa məndə qoz var”da Zərzibonskaya, "Qızıl gül”də Azay, "Beş manatlıq gəlin”də Nadir, "Özümüz bilərik”də Miriş, "Subaylarınızdan görəsiniz”də Mayıl, "Hərənin öz ulduzu”nda Nəzir, "Nəğməli Könül”də Mustafa, "Səhnədə məhəbbət”də ofisiant, "O olmasın, bu olsun”da Rza bəy, "Talelər qovuşanda”da Potuş və başqa surətləri məharətlə oynadığına görə tamaşaçıların rəğbətini qazanıb. Tamaşaçılar onu daha çox "Bakılı oğlanlar”ın ("Planeta parni iz Baku”) tamaşalarında Məzi rolunun ifaçısı kimi tanıyıblar.

Allah rəhmət eləsin!

Erbakan oldu

bomba — Thu, 03 Mar 2011 13:44:26 GMT

meshurlar oz vaildeynleri ile

ADMIN — Wed, 02 Mar 2011 10:07:54 GMT